Psa 120 | CYM | STEP | Yn fy argyfwng dyma fi'n galw ar yr Arglwydd ac atebodd fi!

Psalms 120

Gweddi am help

Cân yr orymdaith.

1 Yn fy argyfwng dyma fi'n galw ar yr Arglwydd
ac atebodd fi!
2 “O Arglwydd, achub fi rhag gwefusau celwyddog,
a thafodau twyllodrus!”
3 Dyma gei di ganddo
– ie, dyma fydd dy gosb –
ti, dafod twyllodrus:
4 Saethau miniog y milwyr
wedi eu llunio ar dân golosg!
5 Dw i wedi bod mor ddigalon,
yn gorfod byw dros dro yn Meshech,
ac aros yng nghanol pebyll Cedar. ^{▼▼120:5 Meshech … Cedar Meshech: gwlad i'r de o'r Môr Du; Cedar: llwyth o bobl yn byw yn anialwch i'r de-ddwyrain o Israel.}
6 Dw i wedi cael llond bol ar fyw
yng nghanol pobl sy'n casáu heddwch.
7 Dw i'n siarad am heddwch,
ac maen nhw eisiau rhyfela!